Zonet thudawn danin, Bawngkawn Lunglei road-a Hauva Petrol Pump thlen hma kawngpui chhak lam hi nizan dar 6:15 vel khan a min a, lei min hian NH-54 chu lirthei engchi mah kaltlang theih lovin a hnawhping vek a, hei hi PWD Highway Division chuan JCB hmanga thianfai nghalin zan dar 8:30 vel khan lirthei kal theihin an siam leh nghal a ni.
Zan a nih avangin leimin dan leh a nghawng te hi chiang tak hmuh theih a nih loh bakah lei hi tla leh mai thei a nih avangin PWD hian lei tla thianfai thei turin a hmunah hian JCB pakhat a riah tir a. Zinglam dar 2 vel khan a hma aia tam lei hi a min belh leh a, hei hi zing dar 8 velah then tum ni mah se, lei hi a chetzui deuh reng avangin an thian chhunzawm ngam lova, hun engemaw chen an ngaihchan hnuah chawhma dar 11:30 vel a\ang khan then chhunzawm leh a ni.
Helai kawngpui enkawltu, PWD Highway Division hnuaia Sub Division 3 bialtu SDO, Pu C. Lalenkawla chuan, lung tla hi a tam deuh bakah a chhung rilah eng angin nge a awm dawn tih hriat a nih loh avangin chak taka then theih a ni lo tih Zonet a hrilh.
Lei min vang hian Bawngkawn Hmar veng Presbyteian Kohhran Biak In bula Pu Lalnunmawia In chu hlauhthawnawma a awm avangin an inthiar chhuak nghal a, an in bul hnaia awm chhungkaw 9 pawh Bawngkawn khawtlangin an bungrua an thiarchhuah sak a, lei min hian kawngpui thlang lama in 4 chu a bang leh chung \henkhat a deng chhe bawk a, heng chhungkaw 4-te pawh hi hmun him lama suan chhuah an ni. In leh lo rauhsante hi Bawkawn chhim veng Presbyterian Kohhran Biak In Hall leh a bul hnaia In rem changah te an in vawmlut hlawm a ni. Leimin vanga an chenna in luahzui ngam lohva awm Pu C. Lalnunmawia chuan, harsatna an tawh dan hetiang hian Zonet a hrilh.
Nizan dar 6:15 vela Bawngkawn Lunglei Road-a leimin vang hian mipui him zawk nan Traffic Police te chuan helai kawngpui hi an dang ping nghal a. Traffic hotute chuan, Zemabawk a\anga Aizawl khawpui chhung pan tur lirtheite chu |huampui a\anga Zuangtuai lamah kalin, Durtlang a\angin Bawngkawn an pan tir a, hei bakah hian Aizawl By Pass Road World Bank kawng leh Falkland peng a\anga kalin Chite lama kala Ramthar Sihpui lamah kal theih a ni bawk.
Khawpui chhung a\anga Zemabawk lam pan turte chu Bawngkawn a\anga Durtlang lamah kalin, Zuangtui Road-ah |huampui lam pan theih a ni a. Hei bakah hian World Bank kawng leh Armed veng a\anga Chite lama kalin Falkland-ah chhuah theih a ni. Traffic hotute chuan, Bawngkawn kawng ping vang hian Aizawl khawpui chhunga lirthei chevel buai deuh mah se, lirthei chet vel danah harsatna lutuk a thleng lo tih an sawi a. Zemabawk lam a\anga khawpui chhung pan lirthei chu Bazar Bungkawnah an tam deuh avangin harsatna erawh a thleng zeuh zeuh tih an sawi a. Bawngkawn a\anga Helipad lama |huampui panna kawng chu tukin thleng khan lirthei ke hnih nei tan zawh theiha hawn a ni a, helai kawng hi a khik tak avangin harsatna dang a thlen zel loh lan lirthei engchi mah zawh phal a ni tawh lo a, he lei min avanga harsatna lian zawk a thlen loh nan lung leh lei tla thenfai a nih hma chu Traffic Duty-te thu zawm turin mipuite an ngen a ni.
