Bawngkawn leh Durtlang inkar kawngpui, kawng chhak lung tla avanga ping chu hawn a la ni lo. Kawng chhak lama lung tla leh mai theite chu vawiin khan Aizawl Bawrhsap pisa-a Disaster Response Force Team, Border Roads mite leh mi tlawmngaiten an hal darh leh a, chhum a zin nasat avangin hna thawh chak theih a ni lova, nizanah ruah a sur avangin lei a ban a, an lung hal darh sa, kawngpui lama an lum thlak chu tla kim lo a awm \hin avangin kawng hi hawn ngam a nih dawn leh dawn loh hriat theih a la ni lo tih Bawngkawn khawtlang hruaitute chuan an sawi a. Naktukah hna thawh chhunzawm leh a nih tur thu an sawi. Bawngkawn leh Durtlang inkar kawngpui khar a nih avanga Durtlang leh a chhehvel a\anga Aizawl panna kawngpui awm chhun Zuangtui-Selesih Road pawh nizan ruahsur avang khan kawng chhak leimin-in Zuangtui bula Hangi lunglen tlang thlangah a hnawh ping a, hei hi chu vawiin khan lirthei chi tin kal theiha siam tlang a ni leh tawh a ni.
