Mini ATM hi New Delhi-a hmunpui nei RNFI Services Private Limited-in a duan chhuah a ni a, hemi hmang hian mipuiten awlsamtein pawisa an lachhuak thei a, hun leh tha sen buai ngai lova \angkai taka hman theih a ni. Mini ATM tlangzarhtu MJA President, Pu Zonunsanga Khaingte chuan, Aizawl khawpui chhungah ATM pangngai 120 bawr vel a awm tih sawiin, hengte hi a lun hle reng a, a bikin thla tir lai phei chuan rei tak tak intlar a ngaih \hin avangin he thil thar hian mipui harsatna tam tak a sutkian ngei a beisei tih a sawi a. Aizawl khawpui chauh ni lo, thingtlang kil khawr tak tak Bank leh ATM awm lohna hmunah phei chuan a \angkai dawn hle a ni, a ti. Pu Zonusanga chuan, Mini ATM chu sumdawnna a nih rualin mipui rawngbawlna pawimawh tak a ni dawn a, Mizoram chhung hmun tinah inzar pharh thei se a duh thu a sawi.
He thil Mizorama laluttu Sellai Agency neitu Pu S. Lalrinawma chuan, RNFI Services Private Limited-in Mini ATM a duan chu RBI-in a pawmpui thlap a nih avangin mipui tan rintlak a ni tih a sawi a. Hei hian Bank hrang hrang ATM Card a mil vek a, pawisa lakchhuahnaah hian chhiah chawi pawh a awm ve lo chu a \hat bikna a nih thu a sawi. Mini ATM tlangzarhna inkhawm hi Zalen chanchinbu Editor, Pu Vanlalrema Vantawl-in a kaihruai a, RNFI Services Private Limited hotu Pu Urmil Paul pawhin an Company hmalakna leh Mini ATM nihphung leh \hat bikna te a sawi a. Mi thlanbikten Mini ATM a\ang hian pawisa an lachhuak chhin nghal a ni. Mini ATM Retailler ni duh tan Rs. 71,00 leh lehkha pawimawh hmanga nih theih a ni.
