Tax Deduction at Source tia sawi chungchang hi SBI hotuten thu tharthehdarhtute leh Central YMA hotute vawiin khan an hrilhfiah a, SBI Regional Manager Pu LP Lalchangkima chuan, Schedule Tribe te hnena TDS lak a awm chu an duhdan a nih bik loh thu a sawi a, Tribal te chu ram danpuiin duhsakna a pek an nih avangin TDS chu an pek tur a nih loh thu a sawi a, hemi ti tawp tur hian hma pawh theih ang angin an lak thu sawiin tun hnai khan Schedule Tribe te account atanga TDS a in cut lohna turin Tribal Certificate thehlut turin hriattirna an dawng tih a sawi.
Pu LP Lalchangkima chuan, SBI a account nei Schedule Tribe te chu Tribal an ni ngei tih tihchianna Tribal Certificat thehluh a ngai tih a sawi a, theh lut lo, kum khata chhunga an sum dah a\anga a pung cheng cheng sing khat nei chinte chu TDS cut sak an ni dawn a, hei vang hian sorkar pawisa kum kallai ral hmain Tribal Certificate thehlut vek turin mipuite an ngen tih a sawi a, kum tin he thil hi tih thar ziah a ngai dawn a ni a ti. Sorkar laipui duhdanin kum khat chhunga cheng vaibelchhe 1 sum la chhuak tling te account a\angin chhiah zaa 2 lak sak an ni dawn tih Pu LP Lalchangkima hian a sawi bawk.
Central YMA President Pu Vanlalruata pawhin thusawiin Tribal nih vanga hamthatna neihte theihtawp chhuaha humhalh a ngai tih a sawi a, hemi kawngah hian tun aia Mizo te an \hanharh angai a ni a ti. TDS pawh ram danpuiin tribal te a humhalh avanga cut loh tur a nih thu a sawi a, hetihlai a cut sak tuma hmalakna lo awm chu theih tawpin an do tih a sawi a, Bank \henkhat TDS la an la awm nia sawiin hei pawh hi an lak lohna tura hmalak a tul tih a sawi.
SBI in TDS lak a tum chungchangah nikum March ni 20 khan Central YMA bultumin SBI pisa kai tur te dan a lo ni tawh a ni.
