Bangladesh Relief and Repatriation Commissioner Abul Kalam chuan raltlante hruai kir leh tur hian engkim an peihfel tawh tih a sawi a, mihring chuanna tur leh an mamawh thilte pawh felfai taka dah vek a ni tawh tih a sawi bawk a ni. Puan tawh angin Bangladesh leh Myanmar te chuan kum 2017 November ni 23 khan raltlan hruai kir tur hian an lo inrem tawh a ni. Rohingya raltlan hruaitute erawh chuan Myanmar-a kir leh hi an la huphurh hle a, Bangladesh sorkar chu ruahmanna titawp rih turin an ngen a, Arakan Rohingya Society for Peace and Human Rights hruaitu, Abdur Rahim chuan raltlante hi hruai kir mahse Myanmar sorkar chuan camp-ah khungkhawm a tum avangin an dinhmun a ngaihtuahawm hle niin a sawi a, raltlante hian an sahimna bakah an nitin nunphung an nei leh thei dawn lo anih chuan kir an duh lo niin a sawi bawk a ni.
