Bangladesh leh Myanmar-in ral tlante thawn kir hun tur ruangam siam fel tawh

Bangladesh sorkarin Rohingya mi tam tak, Myanmar a\anga ral tlante thawn kir chungchangah Myanmar sorkar nen a hun tur ruangam an siam fel tawh niin a sawi a, Bangladesh hian chawlhkar tin, Rohingya mi 1,500 a thawn haw \hin dawn a, hei hi Myanmar sorkar pawhin a remti tawh niin a sawi. Hetiang zela an thawn kir chuan Bangladesh-a raltlante hi kum hnih chhungin Myanmar ramah hian thawn haw kim hman beisei a ni. Puan tawh \hin angin, Bangladesh-a raltlan hi an vaiin mi 6,50,000 chuang an ni a, nikum August thla khan Rakhine state-a Rohingya mite chungah tharum thawhna nasa tak a thlen avangin himna zawngin Bangladesh hi an pan a ni. UN High Commission for Refugees chuan, Myanmar sorkar hian Rohingya mite hi an duh lo chung leh, an la ngam lo chungin haw turin a ph<t tur a ni lo, a ti a, anmahni ngeiin hima an inngaih hunah, thlamuang taka an haw theih dawn chuan hawtir chauh tur niin a sawi. Heng raltlante thawn haw \an hun tur hi sawi a ni lo a, Myanmar sorkarin an chenna tur a sak phawt a ngai dawn nia hriat a ni.