Kangmei hi zan dar 10:40 velah Chawkbazar-a rimtui siam chhuahna bawlhlo chikhat dahna kudam builiding a\anga chhuak a ni a, bawlhlo dahkhawm te hi a alh duh em avangin kangmei hi a darh chak hle a, bawlhlo puak avangin kangmei hian a bula building dang 4 a kangkai a, kangmei hian mo lawmna-a kal leh restaurant chawl lai te insaseng thei lovin a dangbet a, building pakhat-a gate chu a inkalh avangin building luahtute a tlanchhuak thei lo bawk. Kangmei chhuah lai hian traffic a jam vangin leh a darh chak em avangin mi tam tak an insaseng thei lo bawk a ni.
Kangmei chhuahna hmun hi a chep avang leh kawng a tet bawk avangin, kang\helh motor te a thleng mai thei lo a, tui an indaih lo bawk a, darkar 12 chuang an beih hnuah mei hi an ti mit thei chauh a ni. Bangladesh fire dept hotu Ali Ahmed chuan gas cylinder vanga kangmei hi chhuak anih a rin thu sawi a, mi 70 vel an thih thu leh thi zat hi an pun a rin thu sawiin ruang zawn hna an la thawk chhunzawm zel tih a sawi. Doctor te chuan hliam zinga 10 vel an dinhmun a \hat loh thu an sawi bawk.
Chanchin Thar Bangladesh khawpui Dhaka-a kangmei chhuak vangin mi 78 an thi.
