Larsap P.S. Sreedharan Pillai leh Central YMA Office Bearrers te hi vawiin khan Raj Bhavan-ah an inkawm a, CYMA hruaitute hian Bangladesh a\anga dan loa Mizorama lut tam tak, Chakma Autonomous District Council huamchhungah an inbeng bel mek tih larsap hnenah hian an sawi a, ramri venhimna atan CRPF, Mizo hlang awmna Union Home Minister in a lo tiam tawh chu tihlawhtlin thuai \ul an tih an sawi.
8th Schedule-a Mizo |awng telh a nih loh avanga Mizo \halai ten harsatna an tawh thu leh telh a nih ve theihna tura hmalakpui turin YMA hruaitute hian larsap hi an ngen a, Mizoram, India leh Myanmar inri-na chu Free Border regime huam chhung a nih avangin ruihlo tawlhluh a hluar phah hle nia an hriat thu te, hei hi Mizo \halai ten an tawrh thu sawiin ruihhlo do kawngah hmalak pui tura an duh thu te Larsap hnenah hian an sawi a ni.
Larsap P.S. Sreedharan Pillai chuan CYMA hotute hi an thil ngaih pawimawh te ziaka a hnena thlen turin a hrilh a, a theih anga a bawhzui tur thu a hrilh a ni.
