Kum 2009 November thla khan Ministry of Home Affairs in Bangladesh mi dan lova pemlutte man-a hnawh chhuah dan tur Mizoram sorkar a hriattirna bawhzuiin Mizoram Home Dept chuan ramri depa awm district pathum Lunglei, Lawngtlai leh Mamit ah te Special Task Force Committee on detection, detention and deportation of illegal Bangladeshi migrants tih a din a, heng district pathum huama sub division level ah pawh he committee hi din a ni.
ZPM legislature party member Pu Andrew H Thangliana zawhna, Home Minister Pu Lalchamliana’n ziaka a chhanna-ah Special Task Force hian Bangladesh a\anga dan lova Mizorama pemlut chhui chhuah emaw, hnawh chhuah emaw an neih report an la thehlut lo tih tarlan a ni a, tun dinhmunah sorkarin foreigner tribunal din tumna a awm loh thu pawh chhanna ah hian tarlan a ni.
Bangladesh ramri depa awm district pathum, Lunglei, Lawngtlaileh Mamit te tih loh District dangah hian dan lo anga Mizorama lut Bangladesh mi te man leh hnawh chhuah hna chu District Police te kuta dah a ni tih chhanna hian tarlan a ni bawk.
