Bangladesh khawpui, Dhaka chhim lama Jajira khuaa zirna inah zirtirtu pakhatin a zirlaite chu tui thianghlim lo, kawr tui a in luihtir thin niin zirlaite’n an sawi a, Bangladesh sorkar thuneituten a chhui chianna tur thupek siam a nih tawh thu an sawi. Zirlai 28, kawr tui in luihtirtu nia sawi, Shahnaz Parvin-i lakah hian thubuai thehluh a ni tawh a, Jajira sorkar hotu, Rahela Rahmatullah-a chuan he thil hi chhui mek a nih thu a sawi a ni. Kum 2010 khan Bangladesh sorkarin zirlaite chunga kut thlak emaw, na taka hrem emaw khapna thupek a siam a, heti chung hian zirlaite hian hrem an la tawk fo nia sawi a ni.
Chanchin Thar Bangladesh-a zirtirtu pakhatin zirlaite kawr tui inluih tir thin
