Bangladesh-ah hian YMA anga pawl din chu sorkar-a ziahluh theih a nih loh avangain Young Lushai Pangkhua Young Assocition tih banner an siam a. He conference-ah hian Bangladesh-a YMA Branch 8 – Mahmuam Branch, Laizo, Chhippui, Lawngkawr, Ralau, Zodin, Kondra leh Malumia Branch a\angin palai 130 vel an tel a, nizana khawmpui hawnna inkhawm hi Bangladesh sipai Leutenant Colonel, Humaoun Kabir-a’n a hmanpui a, District Councellor Pu Kross Remliana chu khualzahawm a ni. Pu Kross Remliana chuan, Bangladesh-ah Mizo hnam tlemte awm mah se, an hnam nihna chu an chhuang hle a, an chenpui hnam dangte entawn tlak ni turin an nun fimkhur taka hmang tur leh Hman dang zawng zawng khum thei turin Zo hnam tlemte te chuan kawng engkimah \an an lak a ngai a ni, a ti a. Bangladesh-a Mizo awm zawngte chu lungrual taka awm turin a sawm a ni. Pu Kross Remliana chuan, Central YMA-n “zirna uar” kuma puan hrerengin Bangladesh-a Zo hnahthlak awmte pawh zirna ngaipawimawh tur leh an hnam chawisang a, hnam zahawm din tura sawmin, Hnam dang nupui pasalah nei lo ngam tura chahin, Mizo hmeichhiate chu Mizo val ngei ti ngam tur leh Tlangval te pawhin Zo hnahthlak Lanu ngei ti ngam turin a ngen a ni.
Pu Krossremliana hian Sajek Jt. YMA hnenah hian \anpuina Rs. 20,000 a hlan a ni.
