March thla tawp lam khan kum 19 mi Nusrat Jahan Rafi-i’n police hnenah a headmaster Siraj Ud Doula lakah thubuai a thehluh avangin Doula hi man a ni a, April ni 6-a exam pe tura school a kal ni hian burqa hmang hmai khuh mi engemawzatin in chung sangah an ko a, a thubuai thehluh chu sut leh tura hrilhin, an vau a, Rafi-i’n sut a tum lo tih a hrilh chuan khawnvartuiin an leih a, a hal ta a ni.
Pawikhawihtute hian mahni intihlum anga lantir an tum laiin Rafi hian a thih hma, April ni 10 khan thil thlen dan dik tak a sawi hman a ni.
Bangladesh mipuite chuan mipat hmeichhiatna lama khawih chhiat tawktuten an thil tawn an sawi chhuahin an dinhmun a derthawng zel niin an sawi a, an lungawiloh zia an auchhuahpui a ni. Police te chuan headmaster hian lung in a\angin Rafi-i hi that turin thu a pe tih an sawi a, Nilaini khan pawikhawihtu mi 16 te lakah tualthah thubuai ziahluh a ni a, an zingah Awami League-a mi politician 2 an tel. MP te chuan heng mite hi thi tura an chungthu rel an phut a ni.
