Indonesia rama Mount Agung tlangkang a\anga invawrh chhuak, vut leh meivap tam lutuk avangin Indonesia thliarkar hmingthang, Bali pan tur thlawhna eng emaw zat \hulh leh a ni. Nimin tlai lam a\ang khan Bali \umhmun pan tur thlawhna 20 chu \hulhtir a lo ni tawh a, vawiin khan boruak ziaawm deuh mah se, mithiamten zan lamah tlangkang hi a nasat leh deuh an rin avangin thlawhna company tam zawk chuan Bali hi an la pan duh rih lo a ni. Thlawhna \um leh chhuak tur \hulh a nih avang hian khualzin \henkhat chu an lungawi lo hle a, thlawhna company \henkhatin an \hulh ve loh laia a tam zawkin an \hulh chu harsatna thlentu niin an sawi. Bali-a India palai, Subrata Sarkar pawhin India mi, zin veivak la haw thei lo an awm nual thu a sawi a, thil pawimawh zual bikah lo chuan Bali hi tlawh rih loh \ha an tih thute pawh a sawi a ni.
Chanchin Thar Bali pan tur thlawhna eng emaw zat thulh leh
