Balakot-a inbeihna champha \um khatna a lo thlenin Defence Minister Rajnath Singh chuan mifirfiakte nuai bo tura hma an lakna chu nasa takin thlak danglam a ni a ti a, ram himna tur a nih phawt chuan sipaiten ramri k^na chet lak an pawisa tawh lo tih a sawi bawk.

Indian Air Force Chief hlui, BS Dhanoa chuan nikum 2019 February ni 26-a Pakistan Balakot-a mi firfiak te tawmb<k bomb hmanga an beihnaah khan Pakistan indo thlawhna km 150 huam chhungah a awm lo tih a sawi.

Dhanoa chuan India chet dan chu Pakistan-in an hre lo nia sawiin, khatih hunlai khan Jaish mi firfiakte inzirna hmun, Pakistan-a Balakot chu India-in \um engemawzat a bei tih a sawi bawk.

Nikum February ni 14 khan Jammu a\anga Srinagar pana kal, CPRF te chuanna motor chu Pulwama bulah car pakhat, Jaish-e-Mohammad thihchilh bomb hmangin beih a ni a, hemi chhanlet nan hian India chuan February ni 26-ah beihpui thlakin Pakistan-a mi firfiakte inzirna hmun chu a kap a ni.

Dhanoa chuan khami \uma an chetnaah khan hlawhtlinna an hmu tih a sawi bawk.