Chief Minister, Pu Lal Thanhawla’n vawiin khan Bairabi Zophai hmuna hmalak zel dan tur Joint NGO hruaitute a sawipui. Helai hmuna thil awm dan zirchiangtu tur Home Affairs Ministry hnuaia Fact Finding Team hnena lehkha leh thil pawimawh dang thlen tur awm theite bakah a hmun an tlawh huna thil sawi dan tur leh kawhhmuh turte an ngaihtuah ho a ni. Assembly Committee Room-a sawihona-ah hian MZP leh pawl hrang hrang hruaituten hmalak zelna tura rawtna leh Sorkar an beisei dante Chief Minister hi an hrilh a. Sawi hona ah hian tun thla ni 20 inbiakna-a Mizoram aiawha tel Chief Secretary, Pu Pu Arvind Ray bakah Home Additional Secretary, Pu Lalbiakzama leh OSD Home, Pu David H.Lalthangliana pawh an tel a ni. Puan tawh angin Union Home Secretary hova State pahnih hotute \hukhawmin a lo rel tawh angin, Home Affairs Ministry-a Joint Secretary, Pu Satyendra Garg kaihhruai MHA Fact Finding Team-in karleh thawhlehni hian Zophai hi an tlawh dawn a; hetah hian Mizoram leh Assam aiawhte pawh an tel dawn a ni. Ramri chungchang hi State pahnih Chief Minister-in an sawidun hmain MHA Fact Finding Team zirchianna chu April ni 5-ah Union Home Secretary, Pu Rajiv Gauba kaihruainain Mizoram leh Assam Chief Secretary-in New Delhi-ah an sawidun leh phawt awng.
Inrawnkhawm zawha Zonet zawhna chhangin MZP President, L. Ramdinliana Renthlei chuan, Chief Minister hova sawi honaah hian MZP thil tum leh duh dan hrang hrangte an sawichhuak tih a sawi a. An lo sawi lawk tawh angin tun thla ni 27-a MHA Fact Finding Team kaihhruainaa Zophai tlawh hunah a hmuna an kal ve tur thu leh, hetah hian Zophai chu Mizoram chhung ngei a nih thu te, tun hma a\anga Assam Sorkar-in Status Quo bawhchhia Reserved Forest Area huam chhunga hma a lak dan hrang hrangte, Zophai hmuna MZP-in chawlhbuk sak a tum chu thil huatthlala a nih loh thute an lo hrilhfiah ve dawn tih MZP President chuan a sawi.
