Bairabi South Branch YMA-in an huam chhung Tlawng luia Sangha leh nungcha te an humhalh thu an sawi. Tlawng lui hi kum 2012 atang khan Bairabi Joint YMA-in a humhalh tawh tih sawiin, hemi tichak tur hian Bairabi South Branch YMA chuan an huam chhung Kilometre 1 vela thui chu kum 2014 atang khan an enkawl tih an sawi a, an huam chhungah hian eng hmanrua maha nungcha man an phal loh thu an sawi. Khaw dang leh hmun danga mite pawh lui an humhalh tih hriatpui tur leh danin a phal loh hmanraw hmanga sangha leh nungcha dang man luih tum lo turin an ngen a ni. Bairabi South Branch YMA hian tun hnaia an huam chhung Tlawng luia Sangha leh nungchate chu chaw an pe a, hetah hian Kolasib Sub-Hqrs. YMA leh Zampuimanga Group YMA hruaitute, Bairabi Forest RO leh hnathawktu dangten an tawiawm a ni.
