Bairabi-a MZP in Zofate Chawlhbuk a sak nimina Assam Police leh Forest Deptt. nia hriat ten an thiah sak chu an lungawi loh thu MZP hruaituten an sawi. Hemi chungchang ngaihtuaha vawiin a an pawl pisapui-a thukhawm chuan, Zofate Chawlhbuk thiat tute chu March ni 5 ral hmaa chhui chhuak turin Mizoram sorkar an phut thu te, chawlhbuk sakna atana Bungraw hman bo zawng zawng te pawh zawn chhuahsak tura an phut thu leh chawlhbuk hi thla thar ni 8-ah sak that leh an tum thu leh heta hnatlang tur hian Mizo mipuite an sawm tihte an sawi a ni. MZP hian Chief Minister hlui, Pu Ch. Chhunga nupui Pi Roneihthangin Bairabi-a ram a pek, Zophai-ah Zofate chawlhbuk hi nimin khan an sa a, nizan khan Assam Police leh Forest Deptt. mi nia rin ten MZP te awm loh hlanin an lo thiah sak a, insakna hmanrua zawng zawng pawh an lak sak vek a ni.
