Bairabi-a Mizo Students’ Union General Conference chu nizan khan a \iak. Palai thlahna inkhawm hi an pawl Treasurer B Lalkhawngaihzuala’n a kaihruai a, a hmanpuitu Art and Culture Minister Pu R Lalzirliana chuan, Mizo hnam lam leh thuam thenkhatte chu tunlai mila her danglam a tam thu a sawi a, hnam ziarang humhalhna kawngah hnam lam leh thuam te a dik taka vawn a pawimawha, zirlaiten ngaihhlut nachang an hriat a \ul a ni a ti.

Bialtu MLA Supply Minister Pu K Lalrinliana pawhin thusawiin zirlaite chu thiamna ziktluak, mahni bakah ram tana \angkai thiamna neih tum turin a fuih a, “Ram leilung hausakna haichhuahna kawnga thiamnate leh khawvel hmun hrang hranga mite hip thei tur khawpa Mizoram hausakna hmang thiam tura \anlak a \ul tih a sawi.

MSU President Vanlalliana Khiangte pawhin thu sawiin Ram leh Hnam humhalh nan sumdawnna kawngah a theih dan dan a Hnamdang nek chep a ngai tih a sawi a, Nupui pasal neih kawngah Pathianin Mizo hnama a din angin mahni Hnampui ngei neih a \ul a, ram leh hnam a boral loh nan Zirna leh thiamna kawngah nasa zawka \anlak a ngai a ni a ti.