Bahujan Samajwadi Party, BSP hruaitu Mayawati chuan thawhlehni khan Congress nena an thawhdun theih loh chhan chu seat chungchanga an inrem theih loh vang a nih thu leh seat tlemte chauh an pe phal chu an party beihna chi khata an ngaih zawk thu a sawi.

Mayawati chuan an Madhya Pradesh-ah Congress chu an chak lo hle niin a sawi a, hei vang hian a party, BSP chu thawhpuia sawm an nih thu leh an thil tum tak chu BSP chhiatna thlen tuma phiarruk a ni a ti bawk a, BSP chu Madhya Pradesh bakah Uttar Pradesh leh state dangah pawh thlawptu ngah tawk tak a nih avangin, thawhpui an duh ta lo niin a sawi a ni.

Samajwadi Party hruaitu, Akhilesh Yadav pawhin Congress chu BSP nena an thawhdun theih tak loh avangin an thawhpui dawn lo tih a sawi ve bawk a, BJP chak taka a \han theih chhan chu Congress kalphung dik loh vang niin a sawi bawk a ni. Yadav chuan Congress chu Madhya Pradesh inthlanah hian BSP leh Samajwadi Party leh Gondwana Gantantra Party-te chu thawhpui duh se chuan seat 200 chuang la thei tura a ngaih thu a sawi bawk a ni.

Puan tawh angin Madhya Pradesh Assembly inthlan hi tun thla ni 28 hian neih tura ruahman a ni.