Dorian thli tleh vang hian mi engemawzat in leh lo chan an awm a, eirawngbawlna tur leh ei leh in tur mumal nei lovin an awm a ni. US Coast Guard leh Britian Royal Navy-ten chhanchhuah hna an thawk a ni. United Nations tarlan danin Grand Bahama leh Abaco thliarkara cheng mipui 70,000 vel chu a rang thei ang bera \anpui an ngai a ni.
Bahamas-a cheng mipui tam tak te chuan an chhungkhat laina chin hriat loha awm te Facebook kaltlangin an zawng a, Grand Bahama-a Jubile Cathedral Pastor LaQuez William chuan mi tam tak inhumhimna zawng a hmu a, chung mite chu \anpuina ngenin an auva, an tan tih theih a neih loh avangin mi 150 velte chen lailawkna theih nan Biak In a hlan tih a sawi a ni.
Khawchin thlirlawkna-in a hmuh lawk danin Dorian hian South Carolina a nuai dawn a, ruah nasa taka a sur dawn bakah tui a len tel dawn bawk avangin mipuite inralring a, an sahimna tura lo inbuatsaih turin hriattir an ni.
