Aizawl Chhinga Veng nula, Lalhriatpuii, kum 26 vel mi, Pu LT Zauva fanu ruang chu tukin khan Bagha-ah chhar a ni. Vairengte Police hotute hnen a\anga thu dawn danin, Lalhriatpuii leh an driver, Lalhmingliana chu Bagha-ah in sakna bungraw la-in an kal a, vai dawrkai, Rimpi-a tia hriat dawr a\angin in sakna bungrua leiin motor-ah an hláng a, Mizoramah bungraw phur motor dan a nih avangin nizan khan Bagha-a an bungraw leina, Rimpi-a inah hian an riak a, tukin khawvar hnuah a ruang hi an riahna in bula dilah chhar a ni. He thil thleng chungchangah hian an motor, 407 khalhtu, Lalhmingliana leh an bungraw leina dawr neitu, Rimpi-a chu Dholai Police-ten thu zawhfiah atan an la niin Police-te chuan an sawi. Lalhriatpuii ruang hi vawiin khan Doctor-te enfiah atan Silchar Medical College-ah lak a ni a, vawiina post mortem an zawh theih chuan zaninah Aizawl rawn pan an tum niin an Veng YMA hruaitute hnen a\anga thu dawn a ni.
