Dawrpui Multipurpose Center-a inkhawm buatsaihah Larsap chuan, Ayush damdawi chu ram chhung state lian zawkah an hman nasat thu a sawi a, Mizo mipuite pawh hmang \angkai turin a chah a, Ayush chu medical system dangte tana pawi thei zawnga hmalakna a nih lo a, inenkawlna him leh hmasang a\anga hlawhtling taka lo hman \hin, damlo enkawlna kawnga rintlak leh Medical Treatment System chi dangte ti phuisuitu a ni a ti. Larsap chuan, Mizoramah ramhmul damdawi siamna tur tam tak a awm thu a sawi a, kuthnathawktute zingah ramhmul damdawi chin leh lakkawm dan inzirtirna tam zawk buatsaih \ul a tih thu a sawi bawk.
Health Minister Dr. R. Lalthangliana pawhin thusawiin Arogya Mela chu Mizorama ramhmul damdawi atana siam theih haichhuahna kawnga inzirtirna pawimawh tak a nih thu a sawi a, ram pumah Medicinal Plants lama pakhatna ni thei turin sorkarin \an a la a, rawtna thehluhte a hlawhtlin theihna turin AYUSH Ministry hotute pawh a hmu tawh tih a sawi a, Larsap chu hmalakpuiah a sawm a ni.
AROGYA Mela-ah hian dawr 19 hawn a ni a, Ayush Ministry-a council 7 leh Mizorama mimal leh department hrang hrang 12 ten ramhmul damdawi an siam chhuah te an phochhuak a, mela neih chhung hian Ayush doctor ten mipuite hriselna a thlawnin an endik sak dawn a ni.
