Australia-a kangmei chhuak hlauhawm dan sawinaah a sang ber, ‘Chhiatna nasa tak thlen thei’ a thleng chho tawh tih thuneitute chuan an sawi. Queensland ah hian hmun 130 vel zetah kangmei hi a chhuak a, khua a ro avang leh thli a thawt nasat avangin kangmei hi a darh chak zual a ni. Gracemere khaw bul hnaia kangmei chhuak chu mipuite tana hlauhawm zuala ngaih a ni a, hetiang taka ram kang avanga buaina nasa hi an la tawk ngai lo tih thuneitute chuan an sawi.
Kar kalta tawp lam a\anga in\an, kangmei chhuak hian thil tam tak a kang chhe tawh a, zirna in pawh 30 chuang chu khar tawh a ni. Thuneitute chuan Gracemere leh a chhehvela cheng mipuite chu hmun him zawk, Rockhamton khawpuia insuan lut thuai turin an hriattir tawh a ni.
