James Ricketson kum 60 mi hian nikum june thla khan eptu pawlte kawngzawh drone hmanga thla a lak avangin man a ni a, an puhna te hi a pha a, a ukil chuan court thutlukna hi court sang zawka an khin let tur thu a sawi. Ricketson hian Cambodia hi kum 20 kalta chhung khan a lo tlawh fo tawh a, kum tam tak Cambodia-a ro lo rel tawh Prime Minister Hun Sen duh lotu leh sawisel \hintute zinga mi a ni. Cambodia tualchhung chanchinthar puangtu, sorkar lam \angte chuan Ricektson-a hi helna chawh chhuah tuma enthlatuah an puh a, amah chuan thu dik lo nia sawiin, tu ram tana enthlatu-ah nge an puh tih Court ah pawh a zawt let a ni. Thubuai siamsaktute chuan a chet dan hian Cambodia chu khawvel dangte mit hmuhah a ti hmingchhia niin an sawi.
