Victoria-a Supreme Court-in Jason Colton-a chungthu a relnaah kut tuara thi ta, kum 36 mi Januzi hian Brighton East-a Jason Colton leh a thawhpui pahnih, Craig Levy leh Ryan Smart te enkawl, khualbukah ni 3 thum chhung cham turin a lut a, a hnuah dollar 210 pek tiamin a thlen hun pawhsei a dil a, amaherawhchu a chhuahsan tur ni a lo thlen chuan Januzi hian dollar 10 bak a neih loh thu hriatchhuah a ni a, a riah man a pe thei ta lo a, pawisa pe lova chhuah a tum laiin a thawhpuite pahnih hian an man bet a, Colton hian a nikhaw hrelo khawpin a sawisa a, a thawhpuite pahnih hian huan lamah Januzi hi pawtchhuakin a sawisak chhunzawm leh a, a thih phah a ni.
Nikum September khan Levy hi kum 7 leh a chanve leh Smart hi kum 9 chhung tang tura hrem an lo ni tawh a, Colton hian tual thah tuma sawisa a nih loh thu sawiin atirah a pha a, mi a tih hlum avang hian court chuan kum 11 tang turin a hrem ve leh ta a ni. Khualbuk neitu Airbnb chuan he thil thleng hi pawi an tih thu an lo sawi tawh a, Colton-a khualbuk hi an hnuaia khualbuk awmte hming tarlanna a\angin an paih tawh tih an sawi.
