Australia khawpui Sydney hmar lama cheng mi pahnih hmun hrang hranga zin kual \hin, Erwan Ferrieux kum 21 mi leh Palmer, kum 20 mite chu February thla a\ang khan chin hriat lohin an bo va, tuipui kama sangha mantu-in ruhro a hmuh chu DNA test neih anih hnuah Erwan Ferrieux-a DNA nen a inmil tih hriat chhuah a ni.

Heng mi pahnihte hi New South wales tuipui kam hmun hrang hrangah an zin dun a, hemi hnu hian an chin hriat zui a ni ta lo a ni. Heng mite thawmhnaw niawma hriat, towel leh sunglass te chu Shelly tuipui kamah hmuh a ni a, an car hawh pawh hmuh a ni bawk a, anmahni erawh chin hriat lovin an bo ta a, thuneitute chuan tuiah an tla anih an ring a ni.

An bo tih hriat a nih veleh heng mi pahnite zawng tur hian thlawhna leh lawng hmanga thawhchhuah a ni a, amaherawhchu, an hnu hmuh tur a awm lo a ni. Thla kalta khan sangha mantu pakhatin Flynns tuipui kamah mihring ruh pathum a hmu a, chu chu chhui zuiin Police te chuan ruh dang pakhat tuipui kam hmun dangah an hmuh belh ve leh bawk a, Heng ruh te hi Ferrieux-a ruhro a ni tih DNA hmanga finfiah a ni a, Hugo Palmer erawh a chin hriat a la ni ta lo a ni.