New South Wales leh Victoria-ah chuan ruah sur mah se hmun 80 velah kangmei hi a la chhuak reng a, hetihlai hian Melbourne leh Canberra-ah chuan rial lian tak tak a tla a, lirthei leh chenna in a deng chhe nasa hle a ni.
Sydney leh Brisbane-a chuan ruah nasa tak sur chhunzawm tura hmuhlawk a ni a, kar kaltaah khan Victoria, New South Wales leh Queensland-ah ruah a sur nasat vangin hmun \henkhatah tui a lian a ni.
Hetihrual hian thli a tleh bawk a, thli hian vaivut a pai tel vangin New South Wales khua chu vaivut serthlum rawngin a bawhkhat vek a ni.
Nikum September thla a\ang khan ram kang hi in\anin mi 30 an thih phah tawh a, chenna in 2,000 chuang a kang chhia a, huan lo ram hectare maktaduai 10 vel a kang chhe bawk a ni.
Victoria’s Premier, Daniel Andrews-a’n ruahsur chuan ramkang tlem a zawng a nan mit tih a sawi a, amaherawhchu, thlipui a tleh tel vangin kangmei \helh kawngah harsatna an tawk a, leiminin kawngpui a hnawhping nual a ni a ti.
