Australia-a Sydney khawpuiah vawiin khan mi pakhatin police car a su a, midang truck leh taxi a ruk hnuah chem hmangin kawng kal bei lehin amah leh amah a intihlum zui.

Police-te chuan pawi khawihtu hi licence nei lo motor a khalh vanga tihdin an tum hnuah pawi hi a khawih \an tih an sawi a, km 7 vel a tlanchhiat hnuah truck ru lehin km 20 vel a tlanchhiat zawm thu leh, a tlanchhiatna lamah hian lirthei \hahnem tak a su tih an sawi bawk a, lirthei dang ruk a tum laia lo dan tumtu civil mi pakhat chema a vih hnuah taxi a ruk leh thu te leh, an tih din hnuah man an tum laiin chem hian a intihlum ta mai niin an sawi bawk a ni. Police-te chuan he thil thleng hi a firfiaka chetna ni loa an hriat thu leh pawikhawihtu hian a tum reng vangin mi a bei lo leh rilru lama harsatna nei nia an hriat thu an sawi bawk a ni.