Australia-a ram kang tuar nasa ber, New South Wales-a thuneitute chuan kangmei chhuah chhan leh sik leh sa inthlak danglam vanga kangmei chhuak a ni ngei em tih chhuitu tur independent inquiry a din.

Thla ruk chhung inquiry chuan hna a thawk ang a, tun kar a\anga \anin state thuneitute inbuatsaih dan leh ram kang an buaipui dan te an chhui hmasa ang.

State Premier Gladys Berejiklian chuan theihtawp chhuahin an chhui dawn tih a sawi. Inquiry chu mithiam pahnih, state police deputy commissioner hlui, Dave Owens leh state chief scientist hlui, Mary O’Kane ten an hova ang a, sik leh sa inthlak danglamin a nghawng theih thil chi hrang hrang an zir tel bawk ang.

Puan tawh angin Australia ram kang hi nikum September thla a\anga in\an kha a ni a, mi 25 an thi a, chenna in tam tak a kang chhe bawk a ni.