Myanmar Police te chuan tunhnaia Aung San Suu Kyi chenna in-a petrol bomb vawmtu chu an man chhuah tawh thu sawiin, amah hi rilru lama rualban lo a ni an ti.
Ningani-a Petrol Bomb hmanga a chenna in vawm anih lai hian Suu Kyi hi hmun danga a awm lai a ni a, tui dawt chhe te-a a kan chhiat bak chu bomb hian thil tih chhiat a nei lo a, chuti chung chuan he thil thleng hian Aung San Suu Kyi thlawptute a ti chiai hle a ni. Petrol Bomb hmanga Suu Kyi in vawmtu hi a bul hnaia lo awm ten a thla an lo laksak a, he thlalak hmang hian Police te chuan an man chhuak tih YHangon Police Facebook Page ah tarlan a ni.
