Puan tawh angin Michel hi British mi a ni a, AugustaWestland leh sorkar laipui inremnaah sum \hahnem tak dawngah leh sorkar thuneitute tham tumah Enforcement Directorate chuan a puh a ni. AugustaWestland inremna hi kum 2013-a Congress kaihhruai sorkar laipui leh UK Company Finmeccanica inkara ziah a ni a, Finmeccanica peng pakhat, AugustaWestland a\anga VIP-te hman tur helicopter 12 lei tuma an inbiak hnuah Fimeccanica hian inremna ziak thei tur hian India sorkara thuneitute thamna pe-ah puh a ni a, hei vang hian kum 2014 khan sorkar laipui chuan inremna hi a sut leh ta a ni. Michel bakah hian midang pahnih pawh Finmeccanica leh India sorkar inkara palaia \angah puh an ni a, Foreign Minister Sushma Swaraj leh UAE Foreign Minister Abdullah bin Zayed-te an inbiak hnu ni khatah Michel hi Dubai chuan India sorkar kutah a hlan a, a ni hi dik lo taka sum chelek vanga thubuai nei, ram dangin sorkar kuta a hlan awm chhun a la ni a, vawiin khan Court-ah a inlan nghal a ni.
