Thu sawiin khuallian chuan Policy \ha, mihringte khawsak phung danglam chho zel leh thil siamna tur mamawh hmuh theiha awm hian chaw lam chi sawngbawlna lamah awlsamna a saim niin a sawia, India ram Economic dinhmun siam \hat kawngah pawh chaw lam chi sawngbawlna hian a thawh hlawka, hnathawh tur tam tak a siam theih bakah lo neih lam leh thilsiam chhuah lamah inkungkaihna siamtu pawimawh tak a ni a tia, Mizoram chungchang sawiin Larsap chuan a ram a thei chi hrang hrang leh thlai chin chi hrang hrangte leh lo neih lama thil thar chhuah dangte chu chaw lam chi sawngbawl nan leh siam chhuah nan \angkai taka hman theih niin a sawi a, Kerala a chaw lam chi sawngbawlna hmunpui te chuan Mizoram a hemi kawnga hmalakna \anpui an inhuam thu a sawi bawk a ni. Larsap chuan Mizoram thil thar chhuahte sawngbawl a nih chuan State sum dinhmun siam \hat nan leh intodelh nan hlawk takin a hman theih a ni dawn niin a sawi a ni. He Conference a khual zahawm, MZU Vice Chancellor, Prof. KRS Sambasiva Rao pawhin Mizorama \halai lehkha thiamte chu chaw sawngbawlna lam a thiamna neih tir leh Scheme hrang hrang hrang awmte chhawt \angkai thei tura zirtir a \ul thu a sawi a ni.
