Chawhma dar 10:30 \hutkhawm \an a nih veleh Speaker, Pu Lalrinliana Sailo kaihhruaiin kumin October ni 5-a boral, MLA hlui, Pu Thankima sun a ni ang a, hemi hnu hian zawhna leh chhanna hun hman chhunzawm nghal a ni ang. Naktuka sun tur Pu Thankima hi MNF-in zalenna a sual lai khan ram hnuaiah chhuakin MNF hruaitu hlun tak a ni a, ramhnuai sorkar-ah Supply Minister a ni \hin a. Remna awm hnuah MNF Party Treasurer a ni a, remna thuthlung anga State puitlinga Mizoram hlankai a nih hnua inthlan hmasa berah khan khatih laia MNF President, Pu Laldenga chu bial pahnih-a a tlin avangin a bial chhuahsan Sateek bialah Bye-election-a thlan tlin a ni a, MLA a nih lai kum 1987 a\anga 1988 chhung khan Apex Bank Chairman a ni.
Assembly Secretariat a\anga Zonet thudawn danin, Assembly thalsik \hutkhawm neih turah hian house chhunga \awngkaa chhan chi zawhna, starred question 207 lut zinga 6 hnawl a ni a; ziaka chhan chi, unstarred question 22 a lut a. House a pharh tur paper 8 a awm bakah, social welfare a\angin official resolution 1 a lut a, paper lay tur 12 a awm bawk.
Assembly thalsik \hutkhawm neih turah hian buaina leh harsatna a awm loh nan Aizawl Sub-Divisional Magistare, Pu K. Laltlawmlova chuan, Cr.PC Section 144 tlawhchhana thupek chhuahin, Assembly House awmna Aizawl Treasury Square-a Head Post Office leh Raj Bahvan chhim lam Gate inkarah vantlang, politics, sakhuana leh thil dang vanga punkhawm a khap a. Hetih chhung hian eng thil vang mahin helai huam chhungah hian mi 5 aia tam punkhawm emaw bengchhen emaw khap a ni a. He thupek hian dan leh thupek kengkawhtute erawh a huam lo a ni.
