Assembly Secretariat a\anga Zonet thudawn danin, house chhunga \awngkaa chhan chi zawhna starred question 207 lut zingah 6 hnawl a ni a, ziaka chhan chi unstarred question 22 a lut tawh bawk. Hose a pharh tur paper 8 a awm bakah, social welfare a\angin official reolution 1 a lut tawh bawk a ni.
Ni thum chhung awh tur Mizoram Assembly thlasik \hutkhawmah hian dan pangngaiin zawhna leh chhanna hun hman a ni ang a, sorkar a\anga ngaihtuah tura chhawp chhuah bill te hi dan dinglai siam\hatna tur deuh vek a ni.
Assembly thalsik \hutkhawm neih turah hian buaina leh harsatna a awm loh nan Aizawl Sub-Divisional Magistare, Pu K. Laltlawmlova chuan, Cr.PC Sectiuon 144 tlawhchhana thupek chhuahin, Assembly House awmna Aizawl Treasury Square-a Head Post Office leh Raj Bahvan chhim lam Gate inkarah vantlang, politics, sakhuana leh thil dang vanga punkhawm a khap a. Hetih chhung hian eng thil vang mahin helai huam chhungah hian mi 5 aia tam punkhawm emaw bengchhen emaw khap a ni a. He thupek hian dan leh thupek kengkawhtute erawh a huam lo a ni.
