Assembly Speaker Pu Lalrinliana Sailo in Assembly Budget Session koh hma anih chhan chu sorkar pawisa kum tawpa sum liam mai tur inchuh \hin tih bona tur a ni a ti. Kumin hian Budget Session hi kum dang aia hma February ni 17 ah \an tur a ni.

MNF Party office Mizo Hnam Run inkhawm ah Pu Lalrinliana Sailo hian, kum danga la tih ngai loh nikum June thla khan Budget Session koh a lo ni tawh tih a sawi a, Budget pass te pawh hman nghal theih a ni lova, a hnu thla hnih khatah chauh te hman theih a ni \hin tih a sawi a, hetiang a nih avang hian Chief Minister nen an sawi dun hnuah kumin Budget Session pawh kum danga la tih ngai loh angin february ni 17 a \an turin koh a ni a ti.

Pu Lalrinliana Sailo chuan, Budget session hi \an hma a nih chuan koh hma anih hian Minister te pawhin March thla tawp lamah chuan hmasawnna hna thawh hrang hrangte enfiahna hun an neih theih phah a rin thu a sawi.

Speaker hian tun hnaia Bangladesh a tlawh \umin Bangladesh-a India High Commissioner chuan Tlabung kawrpuichhuah kawng tihpuitlin ngei a nih tur thu a lo hrilh tih a sawi bawk.