Pu Hipheia hian Speaker leh MLA a nihna a\anga banna hi chawhma dar 10:30 khan Assembly Deputy Speaker, Pu R. Lalrinawma hnenah a thehlut a, Pu R. Lalrinawma chu Deputy Speaker zawk ni mah se, a dan hriatna leh thiamna hmanga a hna mualpho lova thawk thei a nih avangin lawmthu a hrilh a, Pu R. Lalrinawma pawhin Pu Hipheia chu a kal zelna turah duhsakna a hlan a ni.
Speaker leh MLA a\anga banna a theh hnuah Pu Hipheia hian Congress Bhavan pan nghalin, Congress member a nihna a\anga banna MPCC Secretary, Pi Zolawmi hnenah a thehluh leh nghal a. Hemi hnu hian Upper Republic-a BJP Party Office pan zui leh nghalin, BJP Party a zawm nghal a ni. Banna a thehluh hnua thuthar lakhawmtute zawhna chhangin, Pu Hipheia chuan, banna a thehluh chhan chu Party dang zawm turin Speaker leh MLA a nihna a\anga ban phawt a ngaih vang niin a sawi a, Palak bialah BJP Ticket-a a din tur thu leh he bialah hian eng Party Ticket pawhin ding mah se, a tlin a beisei tih a sawi.
Pu Hiphei chuan Congress Party chu tuna an dinhmun a\anga teh chuan Sorkar zo tura a beisei loh thu leh BJP chu Sorkar tura rinawm ber a ni tih a sawi.
