Assembly Dy. Speaker Pu Lalrinawma’n MP Pu C Lalrosanga’n CAA a vote chhan chu Mizoram a huam loh vang a ni a ti a, Anti Defection Law, in a sawi angin, party hminga thlan tlin MLA leh MP te chu party duhdan kalha an awm a rem lo va, party-in whip a pek angin MP pawhin chutiang chuan a vote mai a ni a ti.

Pang Zirlai Pawl inkhawmpui a hmanpuinaah Pu Lalrinawma hian, CAA chu tupawhin an duh loh a nih thu a sawi a, hemi chungchangah hian Chief Minister pawhin sorkar laipui pawh a dawr tih sawiin an duhna an thlen te ngaihpawimawh sakin Mizoram chu a huam tir ta lo a ni a ti a, CAB chu an duhdan angin Mizoram an tel ve lohna turin an siam \ha a, hemi avang hian an vote a ni a ti a, MP umzui luih luih a ni chu pawi a tih thu a sawi.

Pu Lalrinawma chuan, Zohnahthlak hnam hrang hrangte’n hma an sawn loh chuan hnam angin hma a sawn theih loh tih a sawi a, hnam zia, nunphung, \awng te leh hmunhma te chu inzahsak tawn tur leh mahni hnam \awng zahpui lo turin zirlaite chu a chah a ni.

Inkhawm hi PZP Vice President James C. William in a kaihruai a, Dr. K Pachhunga MLA in thu a sawi bawk.