Zawhna leh chhanna hunah Chief Minister, Pu Zoramthanga’n Mizoram kaltlanga ram dang nena insumdawn tawnna kalpui tur chu a hlawhtlin theih nan sorkar laipuiah chak taka bawhzui a ni dawn tih a sawi. Kaladan Mutimodal Transit Transport Project leh ramria insumdawn tawnna kalpui chungchanga MNF member pahnih Prof. F. Lalnunmawia leh Pu Vanlal\anpuia te zawhna in\awm Commerce and Industries Minister, Dr. R. Lalthangliana chhanna a sawifiahnaah Pu Zoramthanga chuan, tun hnaiah sorkar laipui-a thuneihna changtu BJP-in sorkar thar a siam chauh avangin hmalak theih la ni rih lo tih a sawi a. Sorkar laipui a inpeih hun hunah Myanmar leh Bangladesh nena insumdawn tawnna chu a hlawhtlin theih nan chak taka bawhzui a ni dawn a. Hetihrual hian ramria insumdawn tawnna chu India bakah Bangladesh leh Myanmar sorkar mawhphurhna insem a nih avangin ram dangte hmalak dan mila kal ngaih chang a awm a ni, a ti. Chief Minister chuan, ram dang nena insumdawn tawnna kalpui turah bungraw thlanchhuah awm sa te bakah mau hmanga sumdawnna kalpui tum a nih tur thu a sawi a. Hemi chungchang hi Chief Minister a nih hmaa Bangladesh a tlawh \umin Bangladesh Prime Minister a lo sawipui tawh a, Chittagong Hill Tract-a ram awl awm chu Bamboo Plantation atan a \hat thu a hrilh chu an bengkhawn hle a, tunah hian a chi supply tur a la awm rih loh va, a theih hun hunah chak taka hmalak a nih tur thu a sawi.
Pu Zoramthanga chuan, Myanmar nena insumdawn tawnna pawh ngaih pawimawh a ni dawn tih sawiin, tunah hian Zochachhuah lama Lawng thlen theihna chin Kilometre 90 vel chu khawih lovin ala awm a, hei Contractor ten hna an thawh ngam rih loh avang a ni, a ti a. Myanmar ramriah hian helpawl leh sipai an inkar deuh reng avangin Contractor chuan hna ala thawk ngam lova, hemi chungchangah hian Mizoram sorkar chu Myanmar sorkar emaw ramhnuai lam mi emaw pawhin an harsatna an siam loh beisei a ni, a ti a. Hei hi chak taka kalpui a nih theih nan sorkar laipui pawh nawr a nih tur thu a sawi.
