Dr. R. Lalthangliana hna chanpualte hi Higher and Technical Education, Health and Family Welfare leh Commerce and Industries Department-te a ni a, Higher and Technical Education Department nana sum ruahman hi cheng vbch. 257, nuai 67, sing 9 leh sang 7 a ni a, Health and Family Welfare Department enkawl nan cheng vbch. 566, nuai 47, leh sang 7 leh Commerce and Industries Department enkawl na tur Rs. vbch. 82, nuai 56, sing 8 leh sang 5 a ni a, Dr. R. Lalthangliana hna chanpual enkawl nana sum ruahman hi a vaiin cheng vbch. 906, nuai 71, sing 8 leh sang 9 a ni.
Pu K. Lalrinliana hna chanpualte chu Food, Civil Supplies and Consumer Affairs, Local Adminsuration leh Fisheries Department a ni a. Food, Civil Supplies and Consumer Affairs Department enkawl nan hian Rs. vbch. 286, nuai 30, sing 1 leh sang 6 a ni a, Local Adminsuration enkawl nan Rs.vbch. 41, nuai 48, sing 1 leh sang 8 niin, Fisheries Department enkawl nana sum ruahman chu Rs. vbch. 10, nuai 40 leh sang 1 a ni a, a vaia Pu K. Lalrinliana Department enkawl nana sum ruahman hi Rs. vbch. 338, nuai 18 sing 3 leh sang 5 a ni.
Naktuka chawhma dar 10:30 \hutkhawm chhunzawm hunah chuan hun hmasa darkar 1 chhung chu zawhna leh chhanna hun hman leh a ni ang a, hemi hnu hian Minister pahnih, Pu C. Lalrinsanga leh Dr. K. Beichhua-te Department enkawlna tur sum ruahmante sawi hova Pass tum a ni ang.
