Finance Department enkawltu, Chief Minister, Pu Zoramthanga’n Ningani khan 2019-2020 Budget hi a pharh a, sawi honaah hian rorel lai member-te chuan MNF kaihhruai sorkar-in Budget puitling a pharh hmasak bera SEDP tihhlawhtlinna tur Rs. vbch 750 dah nghal a ni chu lawmawm an tih thu an sawi hlawm a. He ruahmanna hmang hian Mizoram chu ei leh bara a intodelh theih an beisei thu te, kuthnathawk leh mi harsa zawkten leirem an rah theihna hmanraw \angkai tak a nih theih an beisei thu te an sawi a. SEDP hmanga hmalak tumna piah lamah hian District thar tih changtlunna tur Rs. vbch. 8.55 ruahman a ni te, zirna siam\ha tura zirtirtu indaih lohna phuhruk nan Rs. vbch. 30 dah a ni te, kawng siam nan Rs. vbch. 150 dah te, Health Care scheme atan Rs. vbch. 20 dah a ni te, tuna Health Care Scheme hman mek tihchangtlun nan Healthcare Corpus Fund-ah Rs. vbch. 50 dah a ni te, Mizoram State Sports kalpui nan Rs. vbch. 1.5 leh infiammite tihphur nan leh chhawmdawl nan Incentive Cash Award pek tur Rs. vbch. 1 dah a ni te, kawngpui thawm \hatna atan PWD Road Fund Board hman tur Rs. vbch. 50 dah a ni te, MLA Local Area Development Fund Rs. nuai 50-a tihpun a ni te chu lawmawm an tih thu an sawi a. Eirukna dotu tur Lokayukta din fel a ni leh a enkawlna atan Rs. vbch. 3.71 dah a ni chu hmasawnna ropui tak a ni tih an sawi hlawm .
Hetihlai hian eptu lam MLA-te chuan Chief Minister-in Budget a pharh takah chuan thil thar a awm meuh lo nia sawiin, a hranpaa han lawm viau nachhan tur awma an hriat loh thu an sawi hlawm a. Tun hnai chhovah mipui sum thawhchhuah GDP chu sang chho viau mah se, hengte hi Tui leh Electric Bill sang leh sorkar hnathawk hlawh pung vangte a nih hlawm avangin GDP chu mipui sum thawhchhuah tehna atan a rintlak ber em tih ngaihtuah theih a nih thu an sawi a, mipui sum thawhchhuah tipung turin thil siamchhuahna lama \anlak \ul an tih thu an sawi. Eptu member-te chuan, Chief Minister-in Budget a pharh takah zu zawrh leh lirthei life time tax tihtawp a ni chunga kum hmasa lam aia State sorkar sum thawhchhuah, State Own Tax Revenue pung tura beisei a ni chu sorkar tan \anlak a ngai nasa dawn hlea an hriat thu an sawi a. Sorkar hmasain theihtawp a chhuah avangin sorkar leiba a tlahniam ve tial tial a, hetih mek lai hian sorkar leiba chu nakkum leh kum leh lam a\angin a pung chho leh dawn niin a lang a, hei hi mipui leh sorkar tan phurrit a nih theih avangin ngaihtuah chian \ul an tih thu an sawi. Eptu member-te chuan, zirna lam tihmasawn tura Education Budget tihpun a ni chu lawmawm an tih thu sawiin, hei hian zirlaite result a siam\hat ngei an beisei tih an sawi hlawm a ni.
Budget sawi honaah hian member \hahnem takin thu an sawi a, tlai dar dar 4 khan vawiin rorel inkhawm hi, Speaker, Pu Lalrinliana Sailo chuan a titawp lailawk a ni.
Budget Session hi naktuk chawhma dar 10:30-ah chhunzawm leh a ni ang a, hun hmasa lam darkar 1 chhung chu zawhna leh chhanna huna hman a ni ang a, Budget a tlangpuia sawi hona, General discussion chhunzawmin zawhfel a ni ang.
