A chanchin leh sunna thusawitu House Leader Chief Minister Pu Zoramthanga chuan, Pu Lalthankunga chu kum 1943 October ni 15-ah North Serzawl-ah a piang tih a sawi a, Shilllong a BA a zirlaiin MNF zawmin a rammu a, ramhnuai a a awm chhung hian nihna hran hrang a chelh tih sawiin ram hnuai atanga a chhuah hnuah kum 1998 Assembly inthlanpuiah Ratu bial a\anga thlantlin a ni a, Dy Speaker mawhphurhna a chelh a, Estimate Committee Chairman nihna pawh a chelh tih a sawi a, a thih ni thlengin MNF Adviser nihna a chelh a, tun thla ni 9 zinglam dar 2 khan Cancer natna avangin a thi tih a sawi.
Pu Zoramthanga chuan, Pu Lalthankunga chu Champhaia High School a kal lai atanga a hriat a nih thu leh ram an mut thlenga inkawp chawt an nih thu a sawi a, East Pakistan ah pawh in khatah chengho an nih thu sawiin mi vengva, chhuanawm leh mi tha tak a nih thu a sawi a, a kalsan a tu leh fate leh chhungte Pathianin awmpui se a duhsak thu a sawi a ni.
Opp Group Leader Pu Lalduhoma pawhin Pu Lalthankunga chu Office inawpna thiam, mahni invawng tak mi ngaihsan awm tak a nih thu a sawi a, Political Party khatah pawh an lo awm ho tawh tih a sawi. Pu Lalthankunga sunna thu hi Dy. Chief Minister Pu Tawnluia bakah Member dang ten an sawi a, hemi hnu hian a sun nan member te minute khat chhung ngawi rengin an ding a ni.
