Assam thingpui huana Doctor pakhat sawisak rawn a nih hnua a hliam tuar lova a thih a\anga a ni 3 ni-ah damdawi lama thawktute venhimna dan, Health Ministry-in Healthcare Service Personnel and Clinical Establishments (Prohibition of Violence and Damage to Property) Bill, 2019 duan dan turah mipuite a rawn.

Bill duan lailawkah hian Health Ministry chuan doctor ten mipui thinrim kutthlak an tuar fo chu tihrem dan tur a ngaihtuah a, he bill hi hman a nih chuan damdawi ina doctor kutthlaktute chu kum 10 lung in tantir emaw, cheng nuai 10 thleng chawi tir emawa hrem theih an ni dawn a ni.

Health Ministry thuneitute chuan doctor ten kut an tuar fo chu tihtawp an duh tih sawiin, bill duan lailawkah ngaihdan leh rawtna an ngaihchang tih an sawi a, dodalna emaw, rawtna emaw a awm chuan ni 30 chhung an nghak dawn tih an sawi.