Assam-a Special Judge Court-in sorkar hna hralh nia sawi chungchanga inhnamhnawiha puh avanga man, Assam Civil Service leh Assam Police Service leh sorkar hnathawk dang, an vaiin mi 16, bail-a chhuah dilna chu a hnawl a, ACS officer dang, tuna tlanbo mek, Nishamoni Deka, man hmaa bail dilna pawh a hnawl bawk. APS officer pakhat, Hemanta Hillol Saikia pawhin bail dilna hi thehl<t mah se, a hn<k kir leh tawh a ni. Special Public prosecutor, BK Mahajan-a thusawi a ngaihthlak hnuah leh, Dibrugarh Police-in hemi chungchang an bawhzui dan a hriat hnuah court chuan he thu tl<kna hi a siam a, officer hmeichhe pahnih – Sunayana Aideu leh Geetali Doley chuan an fate nena an inhmuh theih nan bail-a chhuah hi dil mah se, Court chuan dan ding lai anga jail-a an inhmuh theih dan ngaihtuah zawk turin Jail hotute a hriattir a, an fate zingah damlo an awm a nih pawhin, dan ding lai hnuaiah inhmuhtir mai zawk tur niin a sawi. Special Judge, A Bhattacharya chuan, he thubuai hi chak taka bawhzui mek a nih avang leh, thubuai lian tak a nih avang te, pawi khawiha puhte pawh hi sorkar mi langsar leh officer-te an nih hlawm avangte-in bail-a chhuah chu a remti lo tih a thup>kah chuan a sawi a ni.
Chanchin Thar Assam Special Judge Court-in sorkar hna hralh nia sawi chungchanga inhnamhnawiha puhte...
