Assam nen a ramri a buainaah inthlan kaihhnawiha ham\hat lak tum Congress puhin an hlawhchham niin BJP President Prof JV Hluna’n a sawi. He thu hi vawiin a Upper Republic a an party pisaa political trainingah a sawi a, Prof JV Hluna chuan, Assam Police te chu kum dang ang bawkin an rawn che vat lo turah Congress in an ngai a, a hnua Police tirh a thangthat lak tum mahse, an tum anga thil a kal tak loh avangin an tal buai phah ta niin a sawi a, an chet dan chu ramhmangaihtu hmalak dan tur a ni lo nia sawiin Politics-a ham\hat lak tumna chauh a ni a ti. Prof JV Hluna chuan, Congress in NEDP leh MNF in SEDP mipuia an zawrh chu a sum hman tur khawi atanga hmuh tur nge tih chu mipui te zawhna a nih thu a sawi a, Mizoram Budget atanga hmalak tur a tih a nih chuan ramin a chhiatpui hle dawn niin a sawi. Political Training hi an party General Secretary Pu Vanlalhmuaka’n a kaihruai a, BJP National Election Incharge Jalendra Tripaty an thu a sawi bawk.
