Zirtawpni kalta-a Assam Karbi Anglong District-a mi pahnih chilhlum thubuaia mawh phurtu bera puh chu Assam Police ten an man ta. |hian dun pahnih Nilotpal Das leh Abhijeet Nath te chu Kangthilangso Picnic spot ah Zirtawpni khan an kal a, haw lama an chuanna lirthei chu Panjury ah mipuiin lo ti dingin naupang rukbo ching nia ngaiin an chil hlum a ni. He thila a mawhphurtu bera puh Alphajoz Timung hian mipuite chu heng \hian dun pahnihte hi naupang rukbo ching an ni tia thu dik lo hrilhin an chuanna car lo ti ding turin a hrilh tih Police te chuan an sawi a, Timung hi Karbi Anglong Belughat hmun a\angin an man tih an sawi. Timung leh heng \hian dun pahnihte hi an intibuai a, an chuanna car pawh a vawm sak nghe nghe a, hetihlai hian naupang ruk ching an awm tih helai bial velah hian thuthang a awm avangin chumi chu remchanga la in mipuite chu a fuihpawrh ta niin Police te chuan an sawi.
Chanchin Thar Assam Karbi Anglong District-a mi pahnih chilhlum thubuaia mawh phurtu bera puh...
