Assam Karbi Anglong-a mi pahnih chilhlum thubuai kal zelah, vawiin khan mi pahnih man belh an ni

Kar kaltaa Assam Karbi Anglong-a mi pahnih chilhlum thubuai kal zelah, vawiin khan mi pahnih man belh an ni. Police-te chuan he thil thleng vang hian mi 65 an man ta a, heng zinga mi 30-te chu tualthata puh an ni a, a dang zawng hi chu social media-a thuthang thehdarh leh midang huatna rawngkai thehdarh vanga man an ni. Puan tawh angin \hian dun pahnih Nilotpal Das leh Abhijeet Nath te chu Kangthilangso Picnic spot ah Zirtawpni khan an kal a, haw lama an chuanna lirthei chu Panjury ah mipuiin lo ti dingin naupang rukbo ching nia ngaiin an chil hlum a, a mawhphurtu bera puh Alphajoz Timung hian mipuite chu heng \hian dun pahnihte hi naupang rukbo ching an ni tia thu dik lo hrilhin an chuanna car lo ti ding turin a hrilh tih Police te chuan an sawi a, Timung leh heng \hian dun pahnihte hi an intihbuai hnuah, helai vela naupang ruk ching an awm tih thuthang awm chu remchangah la in mipuite chu a fuihpawrh ta niin Police te chuan an sawi bawk a ni.