Assam-a covid-19 kai hmuh chhuah thar te hi March thla tir lama Delhi-a Nizamuddin punkhawmna-a tel te an ni tih Assam Health Minister hian a sawi.
Delhi-a Markaz Nizamuddin-a Tablighi Jamaat punkhawmnaah khan ram chhung mi 7,600 leh ram pawn mi 1,306 an tel tih finfiah a ni tawh a, rinhlelh mi engemawzat enfiah tawhte chu dah hran an ni a, state hrang hrangin he punkhawmnaah hian an state mite an tel leh tel loh an la chhui zel a ni.
Hyderabad a\anga Nizamuddin punkhawmnaa tel mi 140 chhui zui hleih theih loh an awm mek a, Nizamuddin punkhawmnaa tel mi 348 chu mahni inah an inkhunghrang mek a, mi 74 damdawi ina hruai an awm tawh a, midang 41 chu sorkar siam inkhunghrannaah an awm mek bawk a ni.
