Ram pawn a\anga dan bawhchhiaa Assam-a l<tte hriat theihna tur chu tlangzarh a ni ta a, dilna, vbc. 3 leh nuai 29 vel thehluh zinga mi vbc. 1 leh nuai 90 chu khua leh tui dikah pawm an ni a, mi 20,000 vel hnawl an ni a, tunah hian tlangzarh kim loh, endik mek engemawzat an la awm bawk. Registrar General of India chuan a dang tlangzarh leh hun tur chu April thlaa Supreme Court-in kaihhruaina a duan zulzuia tihfel a nih tur thu a sawi. He NRC-a hming chuang zingah ULFA hel pawl hruaitu, Paresh Baruah pawh a tel a, MP leh MLA hial ni lai, hming lang ta lo an awm nual avangin sawi a hlawh hle a ni. Assam NRC hi December ni 31 zanlaiah khan tihchhuah a ni a, eptu pawl, All India United Democratic Front hruaitu leh Lok Sabha MP ni lai, Badruddin Ajmal leh a fapa bakah, Lok Sabha MP tho, Sirajuddin Ajmal leh MLA sawm rual vel hming pawh a lang lo a, ULFA hel pawl bakah, NDFB hel pawl hruaitute leh an chhungte hming pawh NRC-ah hian a chuang a ni.
National Register of Citizens an tih hi Assam-ah chauh buatsaih a ni a, ram dang a\anga dan kalha Assam-a l<t, awm nghet ta-te hn^wlna tur a nih avangin, tharum thawhna leh buaina a chhuah mai hlauhthawnna pawh a awm a, tlangzarh a nih dawnah khan police leh paramilitary force, mi 45,000 vel, state chhung hmun hrang hrangah duty tir an ni a, Union Home Secretary, Rajiv Gauba pawhin Assam hi tlawhin NRC dinhmun leh ven himna lama thil pawimawh turte a enpui a ni. He NRC tharah hian, kum 1971 March ni 25 hnu lama Bangladesh a\anga Assam-a l<tte hriat theih an ni dawn a, hei hi kum 1985-a All Assam Students’ Union leh sorkar laipui inremna anga bituk a ni a, kum 1951-a NRC-a chuang tawh, an chhungte nena an inlaichinna finfiah theite leh, kum kum 1971 March ni 25-a Electoral Roll-a chuang tawhte chu NRC tharah hian telh an ni ang. Bangladesh a\anga dan kalha Assam-a mi tam tak, kum tam tak chhunga an luh chungchang hi thil lian tak a tling tawh a, khuahkhirh lohva a awm reng chuan, ram leilung fate aia an tam theih mai hlauhthawnna a awm avangin All Assam Students’ Union-in kum 6 chhung, hemi chungchangah hian lungawi lohna an lantir a, kum 1985 khan sorkar laipui nen an inrem ta a ni. Kum 2005-ah khan he an inremna bawhzui nan hian kum 1951 NRC chu ennawn a, ram khua leh tuia pawm tur chin tehna atan hman ni se tih a ni a, kum 2015 a\ang khan hei hi an buaipui \an a, nikuma BJP-in Assam-a thuneihna an chan a\ang khan, inthlan hmaa au hla atana an lo hman tawh angin, chak lehzuala bawhzui a ni ta a ni.
Assam CM, Sarbananda Sonowal-a chuan ram dang a\anga dan kalha Assam-a l<t, awm nghet ta-a ngaih, hn^wl t^kte chu ram khua leh tuiten danpui hnuaia chanvo an neihte p>k an nih ve loh tur thu a sawi a, sorkar laipuiin heng mite hnawhchhuah chungchanga thu tawp a siam hma chuan, Assam-ah hian khawngaihnaa an chen chhunzawm phalsak an nih tur thu a sawi. NRC report tlangzarh a nih hnu lawkah CM hian he thu hi a sawi a, hnawl takte hian UN hnuaia mihring dikna leh chanvo pangngai – chaw, chenna leh thawmhnaw b^k engmah beisei theih an nei tawh lo tih sawiin, NRC hian ram leilung fa leh ram dang mi a thliar fel tawh dawn tih a sawi. India leh Bangladesh-in dan bawhchhiate inthawn tawnna thu an thlun loh avangin, heng mite thawn haw dan tur chu la ngaihtuah tur niin Pu Sonowal-a chuan a sawi a, ram dang mite hi hriat chian vek hnuah, an chunga thil tih dan tur chu buaipui zui a ni dawn tih a sawi. Kum 40 deuhthaw, he state-ah hian ram leilung fa leh ram dang mi an inpawlh sawp tawh a, a luhaithlak hle tih sawiin, tunah chuan an inching fel ve dawn ta niin a sawi bawk.
