Meghalaya Chief Minister Conrad Sangma chuan ramri hrula check post-ah mi 223 te chu khua leh tui dik tak an ni tih finfiahna lehkha mumal an neih loh avanga dan an ni tih State Assembly a hrilh a, ramri hrulah venhimna khauh zawka kalpui a nih thu leh District superintendent of Police te pawh chhunzan zawma an beng chhi tura hriattir an nih thu a sawi.
August ni 31 khan Assam sorkar chuan National Register of Citizen NRC hi a tar chhuak a, mi nuai 19 chuang hming a lang lo a ni. Heng hming lang ve lo te hian Meghalaya an luh lohna turin Meghalaya luhka-a check post tinah uluk leh zuala khualzinte enfiah an ni tih Meghalaya Chief Minister Conrad Sangma hian a sawi a, Assam ramri hnaih check post ah te police tam zawk dah an ni a, district hrang hrangah check post thar 30 dah belh a ni a ti bawk.
