Supreme Court chuan heng mi 7-te thawn let chungchangah hian inrawlh a tum loh thu vawiin khan a sawi a, sorkar laipuiin Rohingya mite chu ram pawn lam mi an nih thu leh Myanmar-in a khua leh tuia a pawm tih thu a lo chhuah tawh chu a pawm thu a sawi bawk a ni. Sorkar ukil, Tushar Meta chuan Myanmar Embassy pawhin heng mite hi Rohingya mi an ni tih finfiahna tur lehkha pawh siam a remtih thu Court a hrilh a ni.
Heng mi 7-te hi kum 2012 a\ang khan hren an ni tawh a, nilaini khan ramri panpui an ni tawh a, Manipur Moreh-a border post-ah vawiin khan Myanmar lam thuneitute kutah hlan an ni tih Assam ADGP Bhaskar J Mahanta chuan a sawi a ni.
